Որո՞նք են Ձեր ընկերության առաջնահերթությունները բիզնես գործընթացների ավտոմատացման հարցում
ERP (Enterprise Resource Planning)
33%
CRM (Customer Relationship Management)
11%
ECM (Enterprise Content Management)
4%
BPM (Business Process Management)
15%
BI (Business Intelligence)
7%
Ավտոմատացման բոլոր նախագծերը սառեցված են
4%
Ավտոմատացման կարիք չենք զգում
26%
Աշխատանք փնտրողների և գործատուների հաշվառման "Գործ" ՏՀ
"Գործ" ինտերնետային տեղեկատվական համակարգի ձևավորման աշխատանքներն սկսվել են 2004թ. "Նորք" տեղեկատվավերլուծական կենտրոնում՝ ՀՀ աշխատանքի և սոցիալական հարցերի նախարարի կողմից հաստատված տեխնիկական առաջադրանքի հիման վրա: 2005թ.-ին համակարգը հաջողությամբ փորձարկվել է, իսկ 2006թ. համապատասխանեցվել նոր օրենսդրությանը:
2008թ. "Նորք" տեղեկատվավերլուծական կենտրոնում մասնագետների ուսուցումն իրականացնելուց հետո հունիս ամսից սկսվել է ինտերնետային համակարգի շահագործումը:
"Գործ" ինտերնետային տեղեկատվական համակարգն իրենից ներկայացնում է զբաղվածության կենտրոններում աշխատանք փնտրողների հաշվառման համակարգ: Համակարգի ստեղծման հիմքում դրված է զբաղվածության ոլորտի գործող օրենսդրությունը, մասնավորապես՝ "Բնակչության զբաղվածության և գործազրկության դեպքում սոցիալական պաշտպանության մասին" Հայաստանի Հանրապետության օրենքը, ՀՀ կառավարության որոշումներով հաստատված ենթաօրենսդրական ակտեր, այլ իրավական ակտեր: Համակարգի միջոցով ավտոմատացվում են "Զբաղվածության պետական ծառայություն" գործակալության կողմից իրականացվող գործառույթները՝ գործող օրենսդրության պահանջներին համապատասխան: Համակարգի շահագործումն իրականացվում է կենտրոնացված տարբերակով. ԶԿ-ներում մուտքագրվող տեղեկատվությունն ինտերնետային կապի միջոցով կուտակվում է կենտրոնական սերվերում: Շահագործման ընթացքում “Նորք” ՏՎԿ-ում իրականացվում է համակարգի ծրագրային ապահովում, տվյալների բազայի արդիականացում և ճշգրտում, ՀՀ ԱՍՀՆ և "Զբաղվածության պետական ծառայություն" գործակալության պահանջով տեղեկատվական և վերլուծական նյութերի տրամադրում, դրանց ալգորիթմների և ծրագրերի մշակում:
Ներկայումս "Գործ" տեղեկատվական համակարգի միջոցով իրականացվում է՝
աշխատանք փնտրող անձանց հաշվառում,
գործատուի կողմից ներկայացվող աշխատուժի պահանջարկի (թափուր աշխատատեղերի) գրանցում,
աշխատանք փնտրողների տվյալների և թափուր աշխատատեղերի համադրում, համադրման արդյունքում աշխատանքի տեղավորման տվյալների ամրագրում,
հաշվառված անձանց կարգավիճակի և սոցիալական երաշխիքների տրամադրման մասին տեղեկատվության ամրագրում,
ապահովագրական ստաժին համապատասխան գործազրկության նպաստի տևողության հաշվարկում,
գործազրկության նպաստի վճարման ցուցակների ձևավորում, արխիվացում և տպում,
զբաղվածության պետական և միջազգային ծրագրերի տվյալների մուտքագրում, այդ ծրագրերում անձանց ընդգրկում, այդ թվում՝
o վարձատրվող հասարակական աշխատանքներում աշխատանք փնտրող անձանց ներգրավում՝ ՀՀ կառավարության կողմից սահմանված կարգով,
o անվճար վերամասնագիտացման, որակավորման բարձրացման, նախնական մասնագիտական պատրաստման և արհեստագործական ուսուցման դասընթացների կազմակերպում,
o այլ վայր աշխատանքի գործուղվելու կապակցությամբ նյութական ծախսերի հատուցում՝ ՀՀ կառավարության կողմից սահմանված կարգով,
o աշխատաշուկայում անմրցունակ անձանց աշխատանքի տեղավորման աջակցության նպատակով աշխատավարձի փոխհատուցում,
o ձեռնարկատիրական գործունեության պետական գրանցման համար գործազուրկներին և հաշմանդամներին ֆինանսական աջակցության տրամադրում ՀՀ կառավարության կողմից սահմանված կարգով,
o հաշմանդամների աշխատանքի վերականգնմանն ուղղված ծրագրերի իրականացում,
o առնվազն մեկ տարվա ապահովագրական ստաժ ունեցող գործազուրկի մահվան դեպքում հուղարկավորությունը կատարած անձին թաղման նպաստի վճարում,
զբաղվածության ծրագրերի ֆինանսավորման հայտ-պահանջագրերի ձևավորում,
վիճակագրական հաշվետվությունների, վերլուծությունների ավտոմատ ստացում:
01.01.2012թ. դրությամբ համակարգում հաշվառված աշխատանք փնտրող անձանց թվաքանակը կազմում է 81134 անձ, որից` 69123-ը գործազուրկի կարգավիճակ ունեցող անձ, 14885-ը` գործազրկության նպաստ ստացող:
