"Բիզնեսի ավտոմատացում" ծառայությունների մատուցման նոր առաջարկ
Կազմակերպություններում կառավարման և բիզնես գործընթացների համալիր կամ մասնակի ավտոմատացումը էականորեն բարձրացնում է ծառայությունների մատուցման որակը, արագությունը` դրանք դարձնելով ավելի էժան, կառավարելի, վերահսկելի և կանխատեսելի: Նորագույն տեխնոլոգիաների կիրառումը նոր հնարավորություններ է ստեղծում հավելյալ աշխատուժից խուսափելու, դրանով իսկ միջոցներ խնայելու առումով ևս:
Տեղեկատվական և հեռահաղորդակցության տեխնոլոգիաների ոլորտում մատուցվող ծառայությունների շրջանակում գործարար ոլորտի կազմակերպություններին առաջարկում ենք բիզնեսի ավտոմատացման համալիր աշխատանքների կատարման նոր փաթեթ, որն իր մեջ ներառում է.
- Փաստաթղթաշրջանառության կառավարում
- Անձնակազմի կառավարումը
- Արտադրական պրոցեսների կառավարումը
- Ֆինանսական եւ կառավարչական հաշվառում
- Վճարման գործընթացների ավտոմատացում
- Վաճառքի կառավարում
- Պահեստի կառավարում
- Գործունեության վերաբերյալ տարաբնույթ հաշվետվությունների և վերլուծությունների ստացում
Աշխատանքներն իրականացվում են հինգ փուլով.
- Խնդիրների բացահայտում և հետազոտում
- Համակարգչային ավտոմատ համակարգերի /ՏՀՏ ենթակառուցվածքի/ նախագծում
- Համակարգերի ստեղծում
- Համակարգի ներդրում և անձնակազմի ուսուցում
- Հետագա սպասարկում:
Ծառայությունների մատուցման 1-ին և 2-րդ փուլերն իրականացվում են անվճար: Ձևակերպված առաջարկությունների փաթեթը ստանալուց հետո պատվիրատուն է կայացնում որոշում հաջորդ փուլերին անցնելու նպատակահարմարության և ցանկության մասին, որից հետո երկու կողմերի միջև կնքվում է Ծառայությունների մատուցման պայմանագիր` ամրագրելով ծառայությունների մատուցման տեխնիկական, ֆինանսական և ժամկետային պայմանները:
Մենք առաջարկում ենք բիզնեսի ավտոմատացման նորարար ծրագրային և տեխնիկական լուծումներ:
